oOoمـآآآ هـو أكـيـد أنـكـ بـديـت تـخـوونoOo

عطيت ما قصرت طيـب وبعديـن
اليا متى بعطـي ولاحـدن عطانـي ،
شوف وصلنا وين؟ وكنا قبل وين ؟
منهو خذاك انت ؟ ومنهو خذانـي ؟
،
ما هو اكيد انـك بديتـ تخون
لكن قسم بالله فـي شخـص ثانـي
،
ماعاد تفرق جـد ويـاي هالحيـن
معاك اعانـي وان تركتـك اعانـي
،
اضاعت من سنيني هدر خمسة سنين
ابلحق اللي فـات كانـه مدانـي
،
مدام عندك طيب القلب مسكيـن
حاضر بصير انسان مثلـك انانـي
،
تدري لا والله مـا ظـن تدري عني
اني بنيـت احـلام فيـك وامانـي
،
انا عشانك بعـت دنيـا وغاليـن
انا نسيت اللي ابـد مـا نسانـي ،
انا على خدي جرت دمعـة العيـن
انا خسرت سنيـن ماهـي ثوانـي
،
انا حفظتك سر فـي داخلـي ليـن
كتبت فيك الحب شعـر وقرانـي
،
انت خلاص الحيـن لازم تروح عني
بس احفظ هالبيت هـذا عشانـي
،
باليوم ردد هذا بيـن قوسيـن
(اناخسرت في قلبك مكاني )!!