التهبيق والفله ؟هههههههههههه.....

السلام عليكم
كيفكم ياحلوين ~> ان شاءالله الكل بخير ..


قصتي هذي قويه وقد أثرت في شخصيتي > وكل ماتذكرت القصه > احس ان مالي هدف في الحياه ..


تقول السالفه ..


يوم كنت ادرس في ثانيه ثانوي ~> ادبي >> تطمنو ماني دافور


كنت طالب مجتهد في النوم والفركات .. ومن كثر ما اشرد من المدرسه >> جاني ملل من اصحابي
كل يوم اشرد والقى نفس الوجييه ..
قررت اني انام في البيت ..
ومره كثر غياباتي في البيت .. ابوي صار يهددني
وانا انسان مره خواف ..
وصرت اداوم ثلاث ايام في الاسبوع >> صرت دافور ..


المهم


قبل الاختبارات كنت رايح الدوام >> قابلت رفقة السوء >> وجدي الحربي وحسن العتيبي و3حروب ..
قالو نبغى نفرك ونروح ابحر >>> نسبح ونفلها ..
جابو شيء جديد >> قلت هيا ..
واركب معاهم >> كل واحد حط مصروف المدرسه الا انا >> اشتريت بها نظاره وفصص ..
وطول خط جده اسولف واتريق على الشباب لانهم شردو مره الطايف ومسكتهم الدوريه ..


المهم


يوم وصلنا >> المكان عجبني رمل ناعم ومحل نظيف ..
الكل نزل يسبح >> سبحنا من الساعه 8 الى 11ونص ..
وقبل نخرج >> كنت اسبح بعيد عن العيال من كثر مايغرقوني >> جو شلة حضران ... قاعدين يسبحون
شافوني جنبهم >> حسبوني معجب .. الكل يشقلب قدام زي الدلافين ..
واحد سوا انه جريء معي >> قال انتم فاركين من المدرسه ..
تركته مارديت عليه >> لو رديت كنت احسها عيب هههههههه سكسوكه وكبير وارد على خكري ههههه


المهم


خرجنا من البحر ..!!
الكل متوجه الى دورة المياه >> عشان يتروشون وينظفون الملابس من الرمل حق البحر ..
وانا رايح جاني وجدي >> قلي : وديع الشباب كلهم مسوين زحمه في قسم الرجال ..
هيا ندخل قسم حمامات النساء >> فاضيه ونظيفه ..
قلت : قلت لا اخاف عسكري يطب علينا >> وصعبه
قال : اصلا مكتوب للنساء والمكان للشباب ..
قلت : طيب هيا ..
دخلت :: والا المكان فاضي ...
قلت لوجدي : انا داخله يافوزيه اتروش توصين ~~> ووجدي مدمع ضحك ..


المهم


وانا اتروش >> وانظف ملابسي من الرمل ..
واحد يدق الباب بقوه >> ويقول .. انا عسكري وين خويك الثاني بصوت خشن ..


وجدي يرد عليه : صاحبي ماهو فيه ~> يصرفني فديته


والعسكري .. يشوت الباب بقوه ويقول واحد موجود هنا ..


انا مقفل الباب ومسكر الدوش والعتبيرات على وجهي توحي بـ البكاء ..
وكنت اردد في نفسي >> يااُمي .. يااُمي .. وش الهرجه ذلحين ... والباب يدق ..


لبست ملابسي .. وفكيت الباب ... لقيت وجدي ..


قلت : وين العسكري ..؟؟


جلس من قوة الضحك ... ويقول مقلب ~~> هو قلد صوت العسكري >> خشن صوته ~> انا ما ركزت لاني خايف ومتوقع ان عسكري يبغى يطب علينا ..


عاد انا جاتني ازدواجيه في التعبير >> ودي اضرب وجدي وفي نفس الوقت فرحان انه مقلب مو جد ...
ركبت السياره .. ويوم مشينا كلمت وجدي بـ الصراحه .. وجدي شاف وجهي بملامح الطفل الي انقطع رياله ..


وقاعدين الشباب شغالين تعليقات يوم ناديت امي في وقت دَخل وجدي في صدري الهم من العسكري


هذي سالفه انجرحت فيها >> خدشت الهيبه مع العرابجه >> صرت ذليل القوم والسبب الخوف من الحكومه ....


الله كريم


............


اخذت دروس في هذي الفركه
1- ان اداوم من بيت امي ولا اقعد اردد اسمها في اوقات الصعايب ..
2- ان اتواضع مع الناس .. مثل الحضري يوم سالني >> تكبرت عشني مسوي سكسوكه
وسكسوكتي وهياطي نزل في دورة المياه يوم العسكري يخبط الباب .. وانا مسكر مفاتيح الدوش هههههه


....


قصة واقعيه وكان بطلها وجدي .. والضحيه وديع
مسرح الجريمه .. حمامات أبحر
البطله الي خلف الكوليس .. امي هههههههه


...


مودتي لكم ^^