كبريـاء معذور

حبيبي سمها كذبة غـرام أو كبريـاء معذور
لك الله ماتت البسمـة بعـد ماطـول غيابـك

هنا مات الوفا الصادق وطار من الجفا عصفور
هنا بعثّرتني بريـح الغيـاب وعتمـة عتاابـك

هنا كانت حكاية معطفـك والعطـر والديجـور
هنا كان المكان احلى يفيض بريحـة اطيابـك

هنا ضاقت علّي الدور واستلهم ياحزن الـدور
وانا أذكر سالفة صدك غرورك لفتـة أهدابـك

فراقك هم والغلطـة كبيـرة والصـدور قبـور
واحس أني على بعدي معاك أقرب مـن ثيابـك

رحلت وماتركت ألا صواب وخاطـرٍ مكسـور
وقلبٍ مات من كثـر الجفـاف ولاتهنـى بـك

احبك حسبك الله ليت ماحبـك ياسيـد الحـور
تراك انت الوحيد اللي بصدري أمسـت ركابـك

عليك الله وامانه لو تخون الموعـد المذكـور
أنا ماخون موعدنا لـو أن الشـوق ماجابـك

ثلاث سنين من عمري واحس أن السنين شهور
عسى باقي السنين المقبـلات الجـرد تزهابـك

ياغالي والله أنه ماتضيـق الا علـى المقهـور
وانا بعيني فجوج الكون كم ضاقت من اسبابك

أنا من فك لك صدره وقال احكم بـلا دستـور
مدام القلب بيتـك والضلـوع العـوج اطنابـك

كتبت أحلى مكاتيب الغرام وجيت لـك مغـرور
أحسب الوقت يمديني واحسب العمر يزهى بـك

أذا كان الشعر غاية عشان يصير لي الجمهـور
حشى مابرر بشعري عشـان أفـوز باعجابـك

واذا كان الغلا الصادق حكاية لجل أعيش الدور
أجل وشلون يوم أذكر غلاك أمـوت واحيابـك

عبث كل السنين اللي تمر العاشـق المغـرور
ولكن بطل غيابـك عسـى الله يقطـع غيابـك