لا تهقويك الأماني ويغويك الطموح..

لا تهقويك الأماني ويغويك الطموح
وأنت أدرى بالحقايق وجمع أشتاتها


الجروح اكثار لكن كثير من الجروح
تندمل في ذاتها من مهابة ذاتها


حاولت فيك المرايا دخيلك لا تروح
من عطشها لشرب وجهك يأن سكاتها


أنت روحي خذت روحي وأنا من غير روح
إعصني إن قلت مره دخيلك هاتها


ميت بك كثر ما أحيا ولي قلب لحوح
ميت بك موتة ماأحد قد ماتها


شي بين الجد والجد سميته مزوح
ليتها مزحه وتفدى الحلوق أصواتها


قبل تلغيك المسافه ويفقدك الوضوح
أكتب فـ قلبي قصيده وغن أبياتها


خل دمي في حبر رسمك وخل القلب لوح
وارسم الفرقا تطارد معك أوقاتها


الكلام اللي نزفته ملى هـاالأرض بوح
والكلام اللي سكته كفتك آهاتها


عظم الله أجر قلبي إذا صدق بتروح
والبقا للورد والعطر في اللي فاتها

.
هـــمــــــســــه..

لاَ لفَآك الهَمْ ثـُم عَيّا يَزُول ؟
وإرِتَجَف »قَلبَك « وُكِلْ دَمِِعك نَزل
سَو مِثلِي لَوُ بَغَيِتَه مَايَطُوُل ..
أخِلَق الفَرحَه , وُفَكر
بـِ/ العَقَل
إبِتَسَـَمْ ..}مِنّ كلّ أَعَمَاقِك وُقُوُوٌلْ
قَدّر الله وُمَاشَآءْ فَعَـَل